अर्थ मन्त्रालय र राष्ट्र बैंकको समन्वयमा सबै समस्या समाधान गर्ने काम भइरहेको छ: प्रधानमन्त्री पुष्पकमल दाहाल प्रचण्ड

काठमाडौ । काठमाडौ प्रधानमन्त्री पुष्पकमल दाहाल प्रचण्डले अर्थ मन्त्रालय र नेपाल राष्ट्र बैंकको समन्वयमा सबै समस्या समाधान गर्ने गरी काम अघि बढेको बताएका छन्।

बैंक अफ काठमान्डू र ग्लाेबल आइएमई बैंकबीच मर्जरपछिकाे एकीकृत काराेबारकाे कार्यक्रमलाई सोमबार सम्बोधन गर्दै प्रधानमन्त्री प्रचण्डले अब डिजिटल र नवप्रवर्द्वनमा सहज गराउने अभियनमा लाग्न आग्रह गरेका छन्।

अर्थतन्त्र तत्काल सुधार गर्न पर्ने देखिएकोले सरकार गठन लगत्तै पहिलो निर्णय यसै सम्‍बन्धी गरिएको उनले बताए।

निजी क्षेत्रका चासो र माग सम्बोधन गर्न अर्थ मन्त्रालय र राष्ट्र बैंकसँग हालै छलफल गरेको उनले बताए।

प्रधानमन्त्रीले मर्जरले ठूला परियाेजनामा अब वित्तिय लगानी जुटाउन सहज हुने आशा व्यक्त गरेका छन्।

युवालाई राेजगारी र उद्याेगका क्षेत्रमा सहयाेग गर्न उनको आग्रह छ।