केयूकेएलमा क्रियाशिल आधिकारीक टेड्र युनियनको निर्वाचनमा कर्मचारी संगठन विजयी

काठमाडौं । काठमाडौं उपत्यका खानेपानी लिमिटेड(केयूकेएल)मा क्रियाशिल आधिकारीक टेड्र युनियनको निर्वाचनमा कर्मचारी संगठन विजयी भएको छ ।

आज सम्पन्न निर्वाचनको आधिकारीक परिमाण समेत सार्वजनिक भइसकेको छ । लोकतान्त्तिक कर्मचारी संघ र कर्मचारी संगठन आधिकारीक रुपमा चुनावी मैदानमा आएका थिए । कर्मचारी संगठनलाई कर्मचारी संघले सघाएको थियो भने लोकतान्त्रीक संघलाई एकिकृत स्वतन्त्र युनियन र कर्मचारी परिषद्ले सघाएका थिए ।

लोकतान्त्रीक संघ ३३३ मत ल्याएको थियो भने संगठनले ४१६ मत ल्याएर विजयी भएको केयूकेएल कर्मचारी युनियन निर्वाचनको कार्यालयले बताएको छ ।

कर्मचारीहरुको हकहित र आन्दोलनकारी शक्तिलाई केयूकेएलका कर्मचारीहरुले अनुमोदन गरेका छैनन । परम्परागत शक्तिलाई नै पुनः एक पटक कर्मचारीहरुले विश्वास गरेर भोट हालेको देखिएको छ ।