“कुण्ड कुण्ड पानी मुण्ड मुण्ड बुद्धि” भएको बाँदरको हातमा नरिवल दियो भने के गर्ला ? केयूकेएल आधिकारीक टेड् यूनियन जस्तै होला ? भनेर कसैले भन्यो, भने ठिकै भनेछ, भन्छन होला ?

माघ २३ गते काठमाडौं उपत्यका खानेपानी लिमिटेड(केयूकेएल)मा करिव २२ बर्षपछि कर्मचारीहरुको आधिकारीक टेड्र युनियनको चुनाव भयो । चुनावमा हार जित स्वभाबिकै हुन्छ । यो चुनावपछि जीत निकाल्ने यूनियनका नेताहरु जसरी प्रस्तुत हुनु पर्ने थियो । उनीहरु ठिक उल्लो गरि प्रस्तुत भएको घटना क्रमले देखाएको छ ।

उनीहरुले यसलाई मत्क्ता हात्तिको जस्तो रवाफ देखाउन थाले । आधिकारीक टेड्र युनियन भनेको कुनै ग्रह हैन । यो कर्मचारी युनियनहरुको शक्ति हो । यो शक्तिको गलत तरिकासँग प्रयोग हुन थाले खारेज पनि हुन सक्छ भन्ने हेक्का रहनु आवश्यक छ ।
यो कुनै कानुन अनुसारको संचालक समिति पनि हैन । यो अधिकार प्राप्त व्यवस्थाक पनि हैन । यसले नियमको कुनै रुल तथा रेगुलेशन पनि गर्न सक्दैन । यो केवल श्रमिक कर्मचारीहरुको हकहितमा बोल्ने सस्था हो ।

आधिकारीक टेड्र युनियन भनेको व्यवस्थापक र संचालन समितिवीचको पुल हो । कर्मचारीहरुको सरुवा, बढुवा निति नियम अनुसार हुन्छ । कुनै कर्मचारी अनवरत मालदार ठाउँमा बसीरहेको छ । त्यसमा व्यवस्थापक वा संचालक समितिको स्वार्थ देखियो भने सच्याउन दवाव दिने हो ? सरुवा नै बदर गर भन्नेहरु को को कुन कुन ठाउँमा कति वर्षदेखि बसेका छन । त्यसको खोजि गरेर तत्काल सरुवा गरेर अन्यायमा परेकालाई न्याय दिने काम आधिकारीक वालाहरुको हो । आफै धामी आफै बोक्सी हुने होइन ।

आधिकारीक टेड्र युनियनका अध्यक्ष नवलसिंह साउद जाउलाखेल शाखाबाट सरुवा भएर महाकाल चौर शाखामा प्रशासन तथा खरिद प्रमुख हुन । साउदमा अलिकति पनि नैतिकता र इमान भए अरुलाई मौका दिनु पर्ने हैन । उनी अविछिन्न राम्रो र मालदार ठाउँमा बसि रहनु पर्ने कारण र तथ्य के हो ? यी अछामबाट हात्तिछाप चप्पल पट्काउदै काठमाडौं छिरेका हुन । अहिले भक्तपुरको ठिमिमा अछामको कुन जग्गा बेचेर ठिमिको आलिनसान बंगल बन्यो । यसको जवाफ कुनै दिन अख्तियार दुरुपयोग अनुसन्धान आयोगमा दिनु परे के देलान ? प्रश्न अब उठिसकेको छ । अविछिन्न कमाउने ठाउँमा धाक, धम्की र रवाफ दिएर बसेर अकुत कमाई गरेकै हो । केयूकेएलको तलवले काठमाडौंमा डेरा भाडा र बच्चालाई पढाउन पनि सकिन्न । यो सत्य हो ।

स्याङजाका तेजेन्द्र जंग कार्की, धार्दिङका कुमार बहादुर सिंखडाको अवस्था पनि साउदको जस्तै हो । दुध बढी उम्लेको खण्डमा भाडामा एक थोपा पनि नरहिकन भुइमा पोखिन्छ । अहिले यस्तै भएको छ, साउद कम्पनीमा ।
साउदलाई केयूकेएल संचालन समितिले अध्यक्षको कुर्चीमा तिमिबस भने भने साउदले बस्न हिम्मत गर्दछन होला ? यदि ज्ञानेन्द्र बहादुर कार्कीले तेजेन्द्रलाई मेरो कुर्चीमा बसेर कर्मचारीहरुको सरुवा गर भने भने कार्कीले त्यो हिम्मत कसरी गर्लान ?त्यसैले अराजकताको पनि सिमा र परिधि पक्का हुन्छ त्यसको सिमा पार भएमा साउद कम्पनीको केहि चल्ने अवस्था हुने छैन । त्यतिखेर साउदसँग आफ्नो कमाई खाने भाडो जोगाउनुको विकल्प रहने छैन ?

आधिकारीक चुनाव जीत हाँसील गरेको दुई महिना चैत्र २३ गते पुग्छ । आजसम्म आधिकारीक टेड्र युनियनका पदाधिकारीहरुको साइन वोर्ड कतै देखिएको छैन । उनीहरुको कार्यालय स्थापना हुन सकेको छैन । चुनाव जित्न नपाइकन मालदार ठाउँमा आफ्ना हुक्के र चिलिमेहरुको सेटिङ मिलाउनु पर्ने, अधिकार प्राप्त निकायले गरिरहेको काममा अनावश्यक दवाद र्सिजना गरिरहनुको अर्थ स्वार्थ हैन । त्यो प्राप्त नहुना साथ आन्दोलनको धम्की दिनु कार्यालय परिसरमा नाराजुलुस गर्नु कुन प्रजातन्त्र भित्र पर्दछ ।

दुई महिना पनि नपुगेको शिशु आधिकारीक टेड्र युनियनको सबै तिर बद्नाम हुने काम गर्नु भद्दा मजाक बाहेक केहि होइन ।
अधिकार विहिन सिइओ मिलन शाक्यले सुन्दरी जल मेलम्चीको पानी प्रशोधन केन्द्र कुनै प्राइभेड कम्पनीलाई ठेक्कामा दिन बातावरण बनाउने काम गरेको भन्ने सूचना बाहिरीएको छ ।

केयूकेएलमा जनशक्ती कम भएको र अन्य बाहाना बनाएर ठेकेदारसँग सौदाबाजी भइरहेको थियो भन्ने विषय खोज्नु पर्ने होइन । तर, उल्टो कामको परिमाण निकाल्ने व्यवस्थापकहरुलाई सरुवा खारेज गर भन्नुले कतै साउद कम्पनी पनि यहि बाटोमा त थिएन भन्ने प्रश्न पानीमा सरोकार राख्नेहरुले उठाउन थालेका छन ।