काठमाडौं । काठमाडौं उपत्यका खानेपानी लिमिटेड(केयूकेएल)का सिइओ मिलनकुमार शाक्यको दुई वर्षको कार्यसम्पादन मुल्याङनको सूचांक धेरै कमजोर भएको आज अर्थात चैत्र २१ गते साँझ बसेको बोर्ड बैठकले निर्णय गरेको छ ।

उनलाई बोर्डले सेवाबाट किन नहटाउने भन्र्दै ३५ दिने स्पष्टिकरण समेत सोध्ने निर्णय गरेको सूचना प्राप्त भएको छ । सिइओ शाक्यको मंसिर १९ गतेको बोर्ड बैठकले खोसेको अधिकार आजकै बैठकले फिर्ता समेत गरेर डुलमुले निर्णय गरेको छ ।

बोर्डमा रहेका सदस्यहरुलाई प्रधानमन्त्रीका स्वकिय सचिव रमेश मल्लले शाक्यलाई पुनः केयूकेएलको सिइओमै फिर्ता गराउन दिएको दवावका कारण यस्तो निर्णय बोर्ड गर्न बाध्य भएको केयूकेएल बोर्ड स्रोतले नेपाली जनतालाई बताएको छ ।

कार्य सम्पादनमा ५० प्रतिशत अंक प्राप्त गर्न नसकेमा उनलाई सेवाबाट हटाउन ३५ दिनको स्पष्टिकरणको मौका दिनु पर्ने कार्यसम्पादन करार सझौतामा उल्लेख भएका कारण उक्त मौका दिइएको बोर्डले दावी गरेको छ ।

बोर्डमा अध्यक्ष लगाएत केहि सदस्य तत्काल हटाउनु पर्ने पक्षमा देखिएपनि केहि सदस्य तत्काल हटाउनु नहुने पक्षमा विभाजित भएका थिए ।