मधेश प्रदेश प्रमुखको पद मुक्त र नया प्रमुख नियुक्तिको सिफारीस, मन्त्रिपरिषद् बैठकका मुख्य ७ निर्णय...राष्ट्रिय आविष्कार केन्द्रका सञ्चालक महावीर पुनको माग राज्यले तत्काल सम्बोधन गर्नुपर्ने : महामन्त्री शर्मा
वि.सं.२०८० वैशाख १७ आइतवार १०:३२
4.07K
shares
shares
काठमाडौं । नेपाली कांग्रेसका महामन्त्री विश्वप्रकाश शर्माले राष्ट्रिय आविष्कार केन्द्रका सञ्चालक महावीर पुनको माग राज्यले तत्काल सम्बोधन गर्नुपर्ने बताएका छन् ।
शनिवार नेपाल विद्यालय कर्मचारी परिषद्ले ललितपुरमा आयोजना गरेको कार्यक्रमलाई सम्बोधन गर्दै महामन्त्री शर्माले यस्तो बताएका हुन् ।
उनले गैर नाफामुलक संस्था बनाइ निजी क्षेत्रबाट नेपालमा आविष्कार गर्ने कुरालाई अग्रणी संस्थाको रूपमा विकास गर्ने व्यक्तिको माग सरकारले तत्काल संवादबाट समाधान गर्नुपर्ने बताए ।
राज्यले सम्मान गर्नुपर्ने व्यक्तित्व सडकमा उभिनु सुन्दर पक्ष नरहेको जिकिर गर्दै शर्माले प्रधानमन्त्री पुष्पकमल दाहाललाई तत्काल महावीर पुनसँग संवाद गरी माग सम्बोधन गर्न आग्रह गरे ।
महामन्त्री शर्माले आविष्कार र नवप्रवर्तनमा जोड दिने कुरा राज्य प्रणाली कस्तो बन्ने भन्नेसँग जोडिएको भन्दै कस्तो प्रकारको समाज बनाएर जाने हो त्यसमा ध्यान दिन जरुरी रहेको बताए ।
महामन्त्री शर्माले संघीय शिक्षा ऐन २०८० सालभित्रै ल्याउने गरी काम गर्न सरकारसँग आग्रहसमेत गर्नुभयो ।
