दलका नेताको मुखसमेत हेर्न नचाहने प्रधानमन्त्रीले निर्वाचन गर्ने कुरामा केपी ओलीको आशंका (भिडियो सहित)धनुषामा टिपरको ठक्करबाट बालकको मृत्यु, अवस्था तनावग्रस्त
वि.सं.२०८० वैशाख १८ सोमवार १९:४१
4.54K
shares
shares
धनुषा । धनुषाको सबैला नगरपालिका- १२ रघुनाथ पुरमा टिपरको ठक्करबाट एक बालकको मृत्यु भएको छ भने अर्का एक बालिका घाइते भएकी छिन्।
मृत्यु हुनेमा सबैला नगरपालिका- १२ सिर्खाटोलका ७ वर्षीय बालक रियान यादव रहेका छन्। सोही ठाउँकी बालिका राधी कुमारी घाइते भएकी हुन्। उनलाई उपचारका लागि जनकपुरतर्फ लगिएको धनुषा प्रहरीले जनाएको छ।
सोमबार विद्यालयबाट घर जाँदै गर्दा प्रदेश २–०३–००१ क १६२१ नम्बरको टिपरले ठक्कर दिँदा रियानको घटना स्थलमै मृत्यु भएको हो। दुर्घटनापछि टिपरका चालक फरार भएका छन्।
स्थानीयले प्रहरी प्रशासन र टिपर आतङ्क विरुद्ध प्रदर्शन गरिरहेका छन्। स्थानीयले ठक्कर दिने टिपरमा तोडफोड र आगजनी गर्न खोज्दा प्रहरीले हवाई फायर समेत गरेकाे छ।
हाल स्थानीयले टिपरमा लगाएको आगो प्रहरीले नियन्त्रणमा लिएको छ। स्थिति नियन्त्रणमा लिन ठुलो संख्यामा प्रहरी परिचालन गरिएको छ।
