३४ वर्षे अविरल संसदीय यात्रामा देउवाको विश्राम, सात पटक प्रधानमन्त्री हुने चाहना अलमलमागुल्मीमा खेतालालाई सुर्ती लिन बजार गएकी एक किशोरी नग्न अवस्थामा मृत भेटिइन्
वि.सं.२०८० कात्तिक १७ शुक्रवार ०९:२६
4.04K
shares
shares
रूपन्देही । गुल्मीमा खेतलालाई सुर्ती लिन बजार गएकी एक किशोरी नग्न अवस्थामा मृत भेटिएकी छन् ।स्थानीयका अनुसार चन्द्रकोट गाउँपालिका वडा नं ४ शान्तिपुर बजार नजिकैको झोलुङ्गे पुलमुनि खोलामा नग्न अवस्थामा कक्षा ९ मा अध्ययनरत १५ वर्षीय मनिषा चुँदालीको शव फेला परेको हो ।
बिहीवार दिउँसो ११ बजे धान स्याहार गर्ने खेतालालाई सुर्ती ल्याइदिन बजार गएको तर सम्पर्कमा नआएपछि परिवारले प्रहरीलाई खोजतलासीको लागि खबर गरेका थिए । किशोरीको हत्या भएको आशंका गरिएको छ ।
घटनास्थलमा प्रहरी निरीक्षकको नेतृत्वमा टोली गएको छ । घटनाबारे थप जानकारी आएपछि विवरण उपलब्ध गराउने जिल्ला प्रहरी कार्यालय गुल्मीका सूचना अधिकारी प्रहरी नायब उपरीक्षक डिल्लीनारायण पाण्डेले जानकारी दिए ।
मृतक किशोरीको परिवार बिगत केही समयदेखि शान्तिपुर बजारको श्रीलंका टोलमा बसोबास गर्दै आएको स्थानीयले बताए ।
