आशिकाविरुद्ध आएको उजुरी फिर्ता,उम्मेदवारीका लागि योग्य रहेको आयोगको दावीकेपी ओली कप क्रिकेट प्रतियोगिताका उद्घाटन एमाले अध्यक्ष ओलीले गर्ने
वि.सं.२०८० मंसिर ५ मंगलवार १४:४१
4.72K
shares
shares
पोखरा । पोखरामा बिहिवारबाट सुरु हुने केपी ओली कप टी२० राष्ट्रिय क्रिकेट प्रतियोगिताको सम्पुर्ण तयारी पूरा भएको छ ।
आयोजक मदन भण्डारी स्पोर्ट्स एकेडेमीलेले मंगलबार पत्रकार सम्मेलन गर्दै प्रतियोगिताको तयारी सबै पूरा भएको जनाएको हो ।
प्रतियोगिताको उद्घाटन नेकपा एमाले अध्यक्ष केपी शर्मा ओलीले गर्ने एकेडेमीका अध्यक्ष ध्रुव आचार्यले जानकारी दिए ।
प्रतियोगितामा ७ प्रदेशका ७ टिम, विभागीय टिमहरु नेपाल पुलिस, नेपाल आर्मी, एपिएफ र मदन भण्डारी स्पोर्टस एकेडेमीको २ गरी १२ टिमको सहभागिता हुनेछ ।
प्रतियोगितामा विजेताले ५ लाख, उपविजेताले २ लाख ५० हजार नगदसहित सिल्ड, मेडल र प्रमाणपत्र प्राप्त गर्ने छन् । म्यान अफ द सिरिजले नगद ३० हजार, बेस्ट बलरले नगद २० हजार र म्यान अफ द म्याचले नगद ५ हजार रूपैयाँ नगद प्राप्त गर्ने आयोजकले जनाएको छ ।
आइसिसीको नियम अनुसार खेलाइने प्रतियोगितामा ७७ लाख खर्च लाग्ने अनुमान गरिएको छ ।
