विपद व्यवस्थापनलाई चूस्त बनाउन सबै दल एक भएर अघि बढ्नुपर्नेमा गृहमन्त्रीको जोड (भिडियो सहित)

काठमाडौं । उपप्रधान एवं गृहमन्त्री रवि लामिछानले मुलुकलाई अप्ठेरो पर्दा सवै राजनीतिक दलहरु एक भएर अघि बढ्नुपर्ने बताएका छन ।

बिहीबार सिंहदरबारमा मनुसन पूर्वतयारी तथा प्रतिकार्य सम्बन्धमा राजनीतिक दलसंग छलफल गर्दै लामिछानले राजनीतिक बिपत्ती वा प्राकृतिक बिपत्तीमा राजनीतिक दलहरु एकै ठाँउ उभिएको इतिहास रहेको भन्दै विपद व्यवस्थापनलाई चूस्त बनाउन पनि एक भएर अघि बढ्नुपर्ने बताएका हुन ।

यसबर्ष मनसुनमा हुनसक्ने प्राकृतिक बिपतबाट हुन सक्ने क्षतिको न्यूनिकरण गर्न एकमहिनादेखि नै पूर्वतयारी भइरहेको उनले जानकारी दिए । गृहमन्त्री लामिछानले राजनीतिक दलहरुसंग बिपद व्यवस्थापनसम्बन्धी अनुभव भएकाले सरकारले सवैको अनुभवलाई संगै लिएर मनुसन पूर्वतयारी र क्षति न्यूनिकरण गर्ने धारणा राखे । उनले विपद् पर्दा एकै ठाँउ बस्न सक्ने गरि राजनीतिक दलका प्रतिनिधि सम्मीलित फोरम बनाउन आफु तयार रहेको बताए ।

बैठकमा कांग्रेस नेता मोहन बस्नेतले प्राकृतिक विपद्पछि एकद्वार नीति लागू गर्दा पिडितहरुले समयमा नै राहत पाउन सक्ने अवस्था नदेखिएको बताए । तर बिपदपछि पुननिर्माणमा समयमा भने एकद्वार नीतिको आवश्यक रहेको उनको भनाइ छ ।

त्यस्तै राप्रपा सांसद ज्ञान बहादुर शाहीले बाढि पहिरोका कारण जमिन गुमेका नागरिकलाई अन्य स्थानमा जग्गा दिएर पुनर्वास गर्ने गरि कानून बनाउन सुझाव दिए ।

२४,जेष्ठ.२०८१,बिहीबार १७:५५ मा प्रकाशित

प्रतिक्रिया दिनुहोस्