साँघुटारको कुशाबसेरी घर बताउने हेमराज घिमिरे भारतमा अलपत्र, उद्धारको अपेक्षा

काठमाडौं । रामेछाप जिल्ला, साँघुटारको कुशाबसेरी घर बताउने हेमराज घिमिरे नाम गरेका एक जना बृद्ध भारतमा अलपत्र परेको समाचार छ ।

उनी भारतको जल्पाईगुढी जिल्ला, चाल्सा रेल स्टेसन माथि अप्पर चाल्सा गोलाइमा अत्यन्तै बिजोग र दयनीय अवस्थाको जीवन विताइरहेको पनि समाचार स्रोतले दावी गरेको छ ।

छोराको नाम पनि भन्न नसक्ने अन्दाजी ७० वर्षको यि जेष्ठ नागरिकले आफ्नो बुहारीको नाम तुलशा घिमिरे भन्ने गरेको समाचारमा उल्लेख गरिएको छ । हेमराज घिमिरे नेपाल फर्किन चाहेको र तत्काल उद्धारको आपेक्षा राख्नु भएको पनि समाचार स्रोतले दावी गरेको छ ।
समाचार स्रोतले उनको सम्पर्क नम्बर भने उपलब्ध गराएका छैनन ।