आफ्नो खेल हुने दिन चितवन राइनोजले चितवनदेखि काठमाडौंसम्म नि:शुल्क बस सञ्चालन गर्ने

काठमाडौं । चितवन राइनोजले नेपाल प्रिमियर लिग (एनपीएल)मा आफ्नो खेल हुने दिनमा चितवनदेखि काठमाडौंसम्म नि: शुल्क बस संचालन गर्ने भएको छ ।

खेलको दिन चितवनबाट खेल हेर्न जान चाहनेलाई राइनोजले पाँचवटा बसको व्यवस्था गरेको हो ।

बस चितवनको खेल हुने दिन बिहान ३ बजे छुट्नेछ । बसमा यात्रा गर्नेलाई खाजाको पनि व्यवस्था गरिएको चितवन राइनोजले जनाएको छ । चितवन पहिलो खेल मंसिर १७ गते काठमाडौं गुर्खाजसँग खेल्नेछ ।