काठमाडौं । “खानेमुखलाई जुगाँले छेक्दैनन” यो उखान यतिखेर काठमाडौं उपत्यका खानेपानी लिमिटेड(केयूकेएल)मा दैनिक लागू भइरहेको छ ।

“भ्रष्टाचार गर्दिन र भ्रष्टाचार गर्न दिन्न” भन्ने महामानव केयुकेएलका सिइओ अशोककुमार पौडेल यहि भ्रष्टाचार र अनियमितालाई घुमाउरो तरिकाले संस्थागत गर्न र संस्थागत गर्ने असाधारण प्रतिभा बोकेका अर्थ तथा प्रशासन विभाग प्रमुख प्रकाशकुमार राईको धुलिखेलमा भएको तालिममा बेलुका ८ बजे देखि १२ बजेसम्मको जे जे भए त्यसैले पुष्टि गरिरहेको छ ।

जापानीज संस्था जाइकाको योजना तथा कार्यक्रममा केयुकेएलको आर्थिक स्रोतमा केयुकेएलका १५ जना अधिकृतहरुले तालिम लिएका थिए । सहायक स्तरका कर्मचारीहरुका लागि विनियोजन भएको बजेटमा असम्बन्धीत व्यक्तिहरुले तालिमका नाममा रक्सीमा पैसा उठाएको भन्दै केयुकेएलका कर्मचारीहरुले आलोचना गरेका छन ।

शाखा प्रमुख, महाशाखा प्रमुख र विभागीय प्रमुखसहितको उपस्थितिमा भएको बेलुकीको कक्टेल पार्टीमा अर्थ तथा प्रशासन विभाग प्रमुख राईको रहस्यमय उपस्थिति र निर्देशन भने चाख लाग्दा रहेको सहभागीहरुले आफु निकटकाहरुसँग बताएका छन ।

राईले रक्सी खाएको झोकमा भने, “केयुकेएलमा क्रियाशिल युनियनहरु मध्ये एउटा युनियनका शाखा–शाखामा रहेका कर्मचारीहरुलाई नाममै किटेर छानिछानी पेल्न र आवश्यक परे कारवाहि गर्नु तिमिहरुलाई म सरक्षण गर्छु ।”

उनले यी शब्दहरु पटक पटक भनेको सहभागीहरुले बताउने गरेका छन । केयुकेएल संचालक समितिले एउटा शिर्षकमा विनियोजन गरेको पैसा राई र चेतबहादुर बजगाईले आफु खुशि र्शिषक बनाएर खर्च गरेको समाचार स्रोतले दावी गरेको छ ।

धुलिखेलमा भएको तालिमका नाममा रमाइलो गर्न गएको सहभागीहरुले बताएका छन । केयुकेएल संचालक समितिले यस्ता आफु खुशी गरेका तालिमहरुलाई अकुंश लगाउन नसकेको सहायक कर्मचारीहरुले दुखेसो व्यक्त गरेका छन ।

त्यसैगरि ल्यावका लागि चाहिने केमिकल खरिदका लागि पहिले पहिले तिन जना मात्र कम्पनी भिजिटमा जाने गरेका थिए भने यस पटक त्यो प्रक्रियामा “ब्रेक थ्रु”गरिएको छ ।

सुन्दरजल र ल्यावको लागि ओईम केमिकल टेड्सलाई ठेकका परेको बुझिएको छ । उक्त कम्पनीले भारतमा रहेको केमिकल कम्पनीको फिल भिजिटको लागि सुन्दरी जलबाट अमृत्त, केन्द्रिय कार्यालयबाट इला भट्ट, कमल बहादुर बम र चेतबहादुर बजगाई गएका छन । खरिदको तर्फबाट बम, सुन्दरीजलबाट केमिस्ट अमृता आवश्यक भएपनि भट्ट र बजगाईले कम्पनीलाई व्ययभार हुनेगरि खर्च बढाउने काम गरेका छन । उनीहरुलाई सिइओ पौडेल विदामा बसेको समयमा निमित्त सिइओका रुपमा रहेका प्रकाश राईले पठाएको समाचार स्रोतले दावी गरेको छ ।

त्यसैले सहायक कर्मचारीहरुको बृद्धि विकासका लागि विनियोजित बजेटले शाखा प्रमुख, महाशाखा प्रमुख र विभागीय प्रमुखले रक्सीमा पैसा उठाएको कारण उनीहरुबाट पैसा असुल उपर गर्न अख्तियार दुरुपयोग अनुसन्धान आयोगलाई अनुरोध गरिने तयारी भएको समाचार स्रोतले दावी गरेको छ ।

ल्याबको सामान खरिदका लागि भारत भ्रमणमा गएका भट्ट र बजगाईसँग पनि पैसा असुलउपर गर्ने प्रक्रिया बोर्डले नथालेमा बोर्डका सदस्यहरुलाई नै भ्रष्टाचारमा सहयोग गरेको आरोपमा उजुरी दिने तयारी भइरहेको समाचार स्रोतले दावी गरेको छ ।

कतै यो समाचार पढ्न छुटाउनु त भएन ?
कमिशनको चक्करमा केयूकेएलको सिइओ, प्रधानमन्त्री शुशिलालाई खानेपानी मन्त्रालयको चुनौती
कतै यो समाचार पढ्न छुटाउनु त भएन ?
जेन्जी सरकारमा एमाले र कांग्रेसका भ्रष्टाचारीहरुको हालिमुहाली, केयुकेएलमा संचालन समिति निरीह

कतै यो समाचार पढ्न छुटाउनु त भएन ?
खानेपानीको बद्मासी बन्द गर्ने प्रयासमा सहसचिव पण्डित, काजका कर्मचारीहरु धमाधम फिर्ता

कतै यो समाचार पढ्न छुटाउनु त भएन ?
केयुकेएलमा सौदाबाजी समुह विभाजीत, राई सिइओ पड्काउने खेलमा