भृकुटीमण्डपमा कांग्रेस कार्यकर्ता आक्रोशित, देउवाको विरोधमा चर्को नाराबाजीराष्ट्रपति गुहार्न शीतल निवास पुगे देउवा
वि.सं.२०८२ पुस २६ शनिवार १२:०१
715
shares
shares
काठमाडौं । नेपाली कांग्रेसका सभापति शेरबहादुर देउवा राष्ट्रपति रामचन्द्र पौडेल भेट्न शीतल निवास पुगेका छन् ।
विशेष महाधिवेशन आव्हानपछि विभाजनको डिलमा रहेको बेला राष्ट्रपतिसँग देउवाको भेटलाई पार्टीमा अर्थपूर्णरूपमा हेरिएको छ । तर, भेटघाट पार्टीको आन्तरिक हो वा समसामयिक विषय खुलेको छैन ।
यसअघि आज बिहान देउवा र शेखर कोइरालाबीच भेट भएको थियो । देउवा शीतल निवास जानुछ भन्दै पछि थप कुरा गर्ने भन्दै शीतल निवास लागेका हुन् ।
दुवै पक्षबीच सघन संवाद भइरहेपनि अहिलेसम्म निचोड निस्किएको छैन । विशेष महाधिवेशन स्थगित गरेपछि मात्र थप कुरा गर्ने अडानमा संस्थापन पक्ष छ ।
प्रतिनिधिसभाको उम्मेदवारी दर्ता र राष्ट्रियसभाको चुनावपछाडि महाधिवेशनको तालिका ल्याउने प्रस्ताव संस्थापनले राखेको छ । महामन्त्रीद्वय २७-२८ को बटमलाइनबाट टसमस भएका छैनन् ।
