चुनाव एकै पटकमा हुन्छ, अब जनताले छाप लाउन मात्रै बाँकी छ : प्रधानमन्त्री कार्की
वि.सं.२०८२ माघ २२ बिहीवार १७:२५
shares

काठमाडौं । प्रधानमन्त्री सुशीला कार्कीले फागुन २१ गते नै एकै पटक चुनाव हुने बताएकी छन् । भक्तपुरस्थित जनक शिक्षामा मतपत्र छपाइको निरीक्षणपछि सञ्चारकर्मीसँग कुरा गर्दै तोकिएकै मितिमा चुनाव हुने बताइन् ।
उनले भनिन्, ‘हामीले मतपत्र हेरेपछि लाग्यो अब निर्वाचन आयो । अब जनताले छाप लगाउन मात्रै बाँकी छ। निश्चिन्त मान्नुस्। चुनाव आयो फरक पर्दैन, एक दिनमा हुन्छ। दुई चोटि कहीँ हुनेवाला छैन ।’
उनले चुनावको लागि मौसमले पनि साथ दिने विश्वास व्यक्त गरे । उनले तोकिएकै मितिमा निर्वाचन गराएर आउने सरकारलाई सत्ता हस्तान्तरण गर्न आफू आतुर रहेको बताइन् ।

























