कुटनीतिक पहल असफल भए सैन्य हस्तक्षेपबाट नाइजेरियामा प्रजातन्त्र पुनः स्थापना गर्ने इकोवासबीच सहमति

एजेन्सी । इकोनोमिक कम्युनिटी अफ वेस्ट अफ्रिकन स्टेट्स (इकोवास) नाइजेरियामा प्रजातन्त्र पुनः स्थापनका लागि गरिएको कुटनीतिक पहल नमाने सैन्य हस्तक्षेप गर्ने सहमति भएको बताए ।

पश्चिमी अप्रिmकी राज्यहरुको आर्थिक समुदाय (इकोवास) ले कुटनीतिक पहल असफल भएको खण्डमा अन्तिम उपायको रुपमा सैन्य बल स्ट्याण्डबाइ राख्न निर्देशन दिएको हो । यसको खुलासा इकोवासका राजनीतिक मामिला, शान्ति र सुरक्षा आयुक्त अब्देल फताउ मुसाहले गरेका हुन। केही हप्ताअघि मात्रै नाइजरका निर्वाचित राष्ट्रपति मोहम्मद बाजुमलाई अपदस्थगरी देशको शासन व्यवस्था आफूले सञ्चालन गर्ने घोषणा राष्ट्रपतिका सुरक्षा प्रमुख जनरल अब्दुरहमान टियानीले गरेका थिए। घानाको राजधानी अक्रामा इकोवास रक्षा प्रमुखहरुको दुई दिने बैठकपछि आयोजित पत्रकार सम्मेलनमा यस्तो टिप्पणी गरे । मुसाहले सबै आवश्यक तयारी पूरा भइसकेको र रक्षा प्रमुखहरुले थप निर्देशनका लागि उपक्षेत्रीय स्तरका नेताहरुलाई आफ्नो प्रतिवेदन पेस गर्ने बताए
उनले भने, ‘हामीले हस्तक्षेपका लागि आवश्यक तयारी गर्ने कुरामा पहिला नै सहमति जनाइसकेका छौँ । आदेश दिनासाथ जुनसुकै बेलामा हामी नइजर जान तयार छौँ । यो दोस्रो पटकको बैठक हो र हाम्रा राष्ट्राध्यक्षहरु र प्रश्तुत प्रतिवेदनप्रति सरकार सन्तुष्ट छ । हाम्रा सेनता तयार छन् ।’

उनले संकटलाई शान्तिपूर्ण रुपमा समाधान गर्न अझै छलफलको वातावरण कायम रहेको बताए । उनले अपदस्थ राष्ट्रपति मोहम्मद बाजुम र उनको परिवार अझै नाइजेरियाको हिसासतमा रहेको भन्दै बिना शर्त रिहा गर्न आग्रह गरे ।

३,भाद्र.२०८०,आईतवार १५:१२ मा प्रकाशित

प्रतिक्रिया दिनुहोस्