प्रदेश २ मा माओवादी पनि सरकार सहभागी, भोली दुई मन्त्रीको शपथग्रहण

नेपाली जनता

जनकपुरधाम । प्रदेश २ सरकारमा नेकपा माओवादी केन्द्र पनि सहभागी हुने निश्चित भएको छ । माओवादीले एक मन्त्री र एक राज्यमन्त्री लिएर सरकारमा सहभागी हुन लागेको हो ।

अर्थ मन्त्रालय वा कृषि मन्त्रालयमध्ये कुनै एउटा मन्त्री र राज्यमन्त्री दिने सहमती भएपछि सरकारमा जान लागेको माओवादी केन्द्रका प्रमुख सचेतक दिलिप साहले जानकारी दिए । उनका अनुसार दलका नेता भरत साह मन्त्री र सांसद रुवी कर्ण राज्यमन्त्री बन्ने निर्णय पनि भइसकेको छ । भोली ३ बजे शपथ ग्रहणको कार्यक्रम राखिएको छ ।

जसपा अध्यक्ष उपेन्द्र यादवले अर्का अध्यक्ष महन्त ठाकुर पक्षका भौतिक पूर्वाधार विकास मन्त्री र तीन राज्यमन्त्रीलाई बर्खास्त गरेर गत जेठ २६ मा कांग्रेसलाई सरकारमा सहभागी गराएका थिए । सोही दिन माओवादीलाई पनि सहभागी गराउने कसरत गरिएको थियो । तर ठूला दुई मन्त्रालय मागेपछि सहमति नबन्दा माओवादी सरकारमा सहभागी भएको थिएन ।

यो पनि पढ्नुहोस  निर्मला हत्या प्रकरण : आधा दर्जन मुद्दा, मुख्य घटना ओझेलमा
१,श्रावण.२०७८,शुक्रबार १९:५८ मा प्रकाशित

प्रतिक्रिया दिनुहोस्

%d bloggers like this: