विराटनगरको उपमेयरमा माओवादीकी नमिता न्यौपानेको बागी उम्मेदवारी कायमै

विराटनगर । विराटनगर महानगरपालिकाको उपमेयरमा स्वतन्त्र उम्मेदवारी दिएकी माओवादी नेकपा माओवादी केन्द्रकी नमिता न्यौपानेले आफ्नो उम्मेदवारी कायमै राखेकी छिन् ।

उम्मेदवारी फिर्ता लिन आयोगको आज ५ बजेसम्मको समय सीमामा उनले मनोनयन फिर्ता लिइनन् । माओवादी केन्द्र विराटनगरकी सचिव समेत रहेकी न्यौपानेले आफूले पदबाट राजीनामा दिएकाले उम्मेदवारी फिर्ता नलिने बताइन् ।

यता महानगरको मेयर पदमा स्वतन्त्र उम्मेदवार दिएकी शारदा मैनालीले भने मनोनयन फिर्ता लिएकी छिन् ।

मैनाली माओवादी केन्द्र विराटनगर सहसचिवसमेत हुन् । गठबन्धनतर्फबाट विराटनगरको मेयर कांग्रेस र उपमेयर जसपालाई भागबन्डा गरिएको छ । यहाँ गठबन्धनबाट मेयरमा नागेश कोइराला र उपमेयरमा अमरेन्द्र यादव उम्मेदवार बनेका छन् ।

यो पनि पढ्नुहोस  लायन्स अन्र्तराष्ट्रि डिस्ट्रिक्ट ३२५ ए २ को आठौं अबिधेशनबाट नेतृत्व चयन
१६,बैशाख.२०७९,शुक्रबार १७:५६ मा प्रकाशित

प्रतिक्रिया दिनुहोस्

%d bloggers like this: