अफगानिस्तानमा बुधबार बिहान गएको शक्तिशाली भूकम्पमा परी हालसम्म २५० जनाको मृत्‍यु

नेपाली जनता

काठमाडौं । अफगानिस्तानमा बुधबार बिहान गएको शक्तिशाली भूकम्पमा परी हालसम्म २५० जनाको मृत्‍यु भएको छ ।

अन्तर्राष्टिय सञ्चारमाध्यमहरुले जनाएअनुसार पूर्वी अफगानिस्तानको पक्तिका प्रान्तमा गएको ६ म्याग्निच्यूटको भूकम्पको कारण उक्त क्षति भएको हो ।

पक्तिका प्रान्तका सरकारी अधिकारीहरुलाई उद्धृत गर्दै बीबीसीले जनाएअनुसार हालसम्म २५० जनाको मृत्‍यु पुष्टि भए पनि उक्त संख्या बढ्न सक्ने सम्भावना छ ।

‘दुर्भाग्यवश हिजो राति पक्तिका प्रान्तका चार जिल्लामा शक्तिशाली भूकम्प गएको छ, जसले हाम्रा सयौं देशवासीको ज्यान लिनुका साथै र कैयौंलाई घाइते बनाएको छ। यस्तै दर्जनौं घरहरू ध्वस्त भएका छन्’, अफगानिस्तान सरकारका प्रवक्ता बिलाल कारिमीले सामाजिक सञ्जालमार्फत सन्देश जारी गरेका छन् ।

बुधबार बिहान गएको उक्त भूकम्पको कम्पन अफगानिस्तान सँगसँगै भारत र पाकिस्तानसम्म महसुस गरिएको रोयटर्सले जनाएको छ ।

यो पनि पढ्नुहोस  प्रदेश २ मा नवनियुक्त दुई मन्त्रीले लिए शपथ
८,असार.२०७९,बुधबार १२:१० मा प्रकाशित

प्रतिक्रिया दिनुहोस्

%d bloggers like this: