काठमाडौं । ललितपुर क्षेत्र नम्बर ३ की उम्मेदवार माओवादी केन्द्रकी नेतृ पम्फा भुसालले वामदेव गौतमसँग भोट मागेकी छन् ।
भैंसेपाटीस्थित गौतम निवासमा पुगेर भुसालले भोट मागेकी हुन् । एमालेका तर्फबाट राष्ट्रियसभा सदस्य रहेका गौतम पछिल्लो समय राजनीतिमा सक्रिय छैनन् ।
एमाले विभाजनपछि एमाले र नेकपा एकीकृत समाजवादीमा नगई वाम एकताको पक्षमा लागेको बताउने गौतम देश चुनावमय हुँदा निष्क्रिय देखिन्छन् ।
उनै गौतमलाई भेटेर भुसालले आफूलाई मत दिन र चुनावमा सघाउन आग्रह गरेकी हुन् । सत्ता गठबन्धनकी उम्मेदवार भुसाल २०६४ र २०७४ सालमा सोही क्षेत्रबाट निर्वाचित भएकी थिइन् । तर, २०७० सालको निर्वाचन भने उनी सम्मिलित पार्टीले बहिस्कार गरेको थियो ।
यसपटक गठबन्धनको समर्थनसहित उनी चुनावी मैदानमा छिन् ।
प्रतिक्रिया दिनुहोस्