त्रिपक्षीय वार्तामा जेनजीले सरकार र दलहरूलाई चुनावमात्रै भएर हुँदैन,सुशासन चाहिने गरे जिकिरप्रतिनिधिसभा विघटन विरुद्धको सुनुवाइमा न्यायाधीशहरूको आग्रह, अन्तरिम आदेशबारे बहस केन्द्रित गर्नुहोस्
वि.सं.२०८२ कात्तिक १२ बुधवार १३:२८
390
shares
shares
काठमाडौं । संवैधानिक इजलासमा रहेका न्यायाधीशहरूले प्रतिनिधिसभा विघटन विरुद्धको सुनुवाइ मा अन्तरिम आदेशबारे बहस केन्द्रित आग्रह गरेका छन् ।
सर्वोच्च अदालतको संवैधानिक इजलासमा बहस जारी छ। अधिवक्ता प्रेमराज सिलवाल र वरिष्ठ अधिवक्ता टिकाराम भट्टराईले बहस गरिसकेका छन् ।
बहसका क्रममा न्यायाधीशहरूले कानुन व्यावसायीहरूलाई अन्तरिम आदेशबारे बहस केन्द्रित गर्न भनेका हुन् ।
न्यायाधीश कुमार रेग्मीले भनेका छन्, ‘अन्तरिम आदेशमा निर्वाचन पनि नगर भन्ने ? त्यसो हो भने सबै ठप्प हुने भयो । ठप्प भएर मुलुक चल्छ ?’
न्यायाधीश सपना प्रधान मल्लले इजलासबाट सोधिकी छन्, ‘अन्तरिम आदेश जारी हुन पर्ने कि नपर्ने ? पर्ने भए के-के विषयमा अन्तरिम आदेश दिने ?’
अरू न्यायाधीशहरुले पनि यही प्रश्न गरेका छन् ।
संवैधानिक इजलासबाट बारम्बार अन्तरिम आदेशबारे बहस केन्द्रित गर्न भनिएको छ ।
संवैधानिक इजलासमा प्रधानन्यायाधीश प्रकाशमान सिंह राउत, न्यायाधीशहरू सपना प्रधान मल्ल, कुमार रेग्मी, हरिप्रसाद फुयाल र मनोजकुमार शर्मा रहेका छन् ।
