काठमाडौँ । सेटिङ मिलाएर पटक पटक माथिल्लो पदमा कायममुकायम खान पैसाको खोलो बगाउने र आफु लगाएत अन्य कार्यालयमा समेत मन्त्री र सचिवसम्म पहुँच विस्तार गर्न माहिर खानेपानी तथा ढल व्यवस्थापन कार्यालय, विराटनगरमा कार्यरत सुरत लाल चौधरीले तत्कालीन मन्त्री प्रदिप यादवलाई ६५ लाखरुपयाँ घुष खुवाएर पुनः कायममुकायम खाएका हुन ।

बदलिदो अवस्थामा पनि उनलाई अब त्यहि ठाउँमा कायममुकायम दिएर राखिरहनु बर्तमान जेन जी सरकार पनि भ्रष्टाचार र घुषखोरीको पक्षमा रहेको सन्देश जाने हुनाले तत्काल चौधरीको ठाउँमा सहसचिव पठाउन खानेपानी मन्त्रीको समेत जिम्मेवारीमा रहेकि प्रधानमन्त्री शुशिला कार्कीलाई दवाव परेको प्रधानमन्त्री कार्यालय स्रोतले बताएको छ ।

प्रधानमन्त्री कार्यालयबाट खानेपानी सचिवलाई घुमाउरो किसिमबाट मन्त्री प्रदिप यादवले घुष खुवाएर सरुवा गरेका कार्यालय प्रमुखहरुलाई सरुवा गर्न र उनले जागिर खुवाएका कार्मचारीहरुलाई प्रक्रिया पुर्याएर हटाउन निर्देशन भएको समाचार स्रोतले दावी गरेका छन ।

२०५६ माघ २ गते ओभरसियरका रूपमा सुरु सेवा यात्रामा चौधरी २०८० कार्तिकदेखि हालसम्म कैयन पटक प्रमुख तथा निमित्त प्रमुख हुँदै यतिबेला कार्यवाहक प्रमुखकै रूपमा निरन्तरता पाएका छन् । उनले हालै पुनः सहसचिवको दरबन्दीमा पनि कामु प्रमुख पद हत्याउन तत्कालीन मन्त्री प्रदिप यादव र मन्त्री यादवको ल्याप्चे छापा सचिव प्रमिला शाक्य बज्राचार्यलाई चौधरी पटक पटक गरि ठुलो रकम दिएको खुलासा गरेका छन ।
चौधरीसँग पैसा खाएका कारण सचिवले समेत उनलाई संरक्षण गरिरहने मन्त्रालय स्रोतले दावी गरेको छ ।

मन्त्रालय स्रोत भन्छ, ‘प्रायः सबै जिल्लाका प्रमुखहरुलाई तत्कालीन मन्त्री यादव र सचिव शाक्यले आर्थिक चलखेल गरेर कार्यालयमा पदस्थापन गरेका कारण चौधरीलाई कसैले पनि हल्लाउन नसक्ने र उनलाई चलाएमा समस्यामा परिने डरले सचिव समेत चुप बस्न बाध्य भएको हुन ।’ चौधरी मन्त्री, सचिव र प्रशासनका सहसचिव बाहेक अरुलाई मानिस समेत नगन्ने अत्यन्तै खुरापााती कर्मचारी भएको पनि मन्त्रालय स्रोतले दावी गरेको छ ।