सरकारको एउटै उद्देश्य ६ महिनाभित्र चुनाव गराउने हो, जेनजीबाट ठूलो आश राख्छु: प्रधानमन्त्री कार्कीदक्षिण कोरियामा ई–७ भिसा मार्फत नेपाली श्रमिक पठाउन बनेको कार्यविधि कार्यान्वयन नहुने
वि.सं.२०८२ असोज १ बुधवार १२:१८
1.31K
shares
shares
काठमाडौँ । श्रम, रोजगार तथा सामाजिक सुरक्षा मन्त्रालयको निर्देशनपछि दक्षिण कोरियामा सीपयुक्त श्रमिक पठाउने सम्बन्धी कार्यविधि कार्यान्वयन नहुने भएको छ ।
वैदेशिक रोजगार विभागले बुधवार एक सूचना जारी गर्दै यो जानकारी गराएको हो।
विभागका अनुसार, श्रम, रोजगार तथा सामाजिक सुरक्षा मन्त्रालय दिएको निर्देशन अनुसार जी टु जी माध्यमबाट ई–७ भिसामा कोरियामा सीपयुक्त श्रमिक पठाउने सम्बन्धी उक्त कार्यविधि, २०८० कार्यान्वयन नगर्न भनेको छ ।
मन्त्रालयको निर्देशनसँगै यो कार्यविधि तत्कालका लागि कार्यान्वयनमा नआउने भएको हो। विभागले यस सम्बन्धी सम्पूर्ण सरोकारवालालाई जानकारी गराउनका लागि यो सूचना प्रकाशित गरेको जनाएको छ।
कोरियामा ई–७ भिसा अन्तर्गत सीपयुक्त श्रमिकका रूपमा जान इच्छुक व्यक्ति तथा अन्य सम्बन्धित निकायहरूलाई यस सूचनाले प्रत्यक्ष असर पार्नेछ ।
